pikachu

本來諗0向旺角新之城買個漢堡飽形飯盒(睇雜誌報導), 但係搵0黎搵去都搵唔到, 反而去扭蛋店舖扭0左小精靈系列電話繩, 可惜扭唔到比卡超, 不過只係五元同埋呢個雀仔小精靈都幾得意!!

至於個嬰兒公仔就唔係扭蛋玩具0黎, 係我0向信和買0既, 六元一個!!舊年未裝修搬屋前, 屋企一直擺放著一對男女嬰兒公仔, 體型比呢個大, 而且"歷史悠久"!!我記得0向小學三, 四年級果陣, 媽咪有一陣子鍾意整肥皂擺設, 有一次整0左架肥皂BB車, 上面放0左個嬰兒公仔做裝飾, 後來架肥皂BB車就掉0左, 果嬰兒公仔仍然繼續擺放, 就算好幾次媽咪話要掉我都唔准!!直到舊年裝修完搬返0黎長安, 我果幾盒紙箱搵0黎去都搵唔到, 我肯定有將佢地搬埋走, 期後搵過迷李倉又無, 果陣我已經開始懷疑係媽咪"靜靜雞"掉0左, 因為有一次拆盒佢見到嬰兒公仔又話要掉, 再之後搵過有可能0既地方都搵唔到, 我更加肯定係俾媽咪掉0左!!唔見0左0的嬰兒公仔, 我都幾唔開心, 話晒佢地都有成二十幾年歷史, 又咁可愛, 又唔阻地方, 做乜要掉0左佢地喎?!有一排我都"耿耿於懷", 又好悔無同佢地影相, 又唔知邊到有得買返(就算買返都買唔返個"歷史價值")!!

後來行過信和, 見到有一間店舖有一角係售賣唔同大小0既嬰兒公仔, 不過我行過幾次都唔捨得買(我覺得幾貴), 到0左今日終於"破費"買一個最平最細0既返0黎!!

放工後去0左又一城行, 目的係買返搖頭比卡超公仔!!一如所料, 香港唱片已經無得買喇
我頓時後悔不矣, 點解我唔一開始見到就買呢??之後三番四次經過這裡也沒有買下來, 而家想買果陣就無晒!!

諗諗下, 玩具反斗城或者其他玩具精品店會唔會有得買呢??先去玩具反斗城睇睇, 真係有搖頭比卡超公仔, 而且仲係聖誕款式, 價錢係$69.9, 我記得香港唱片0既售價只係五十多元再加八折, 七十蚊稍為貴0左0的, 都係去第二到睇下有無!!接著行去旺角0的玩具精品店到睇, 不過唔係間間都有, 而價錢亦唔合我心意, 睇來睇去都係六十五蚊, 無五字頭!!唉!!下次睇0岩0的0野都係快快手買0左佢喇~