pikachu

今朝一返到公司, 就立即請半日假, 目的係去睇牙醫急症, 同埋順便去北角拎個枕頭!!

上到去麥理浩, 未開門已經有幾個人0向到等候~到0左登記時, 原來排0向我前面果幾位大部份都係睇急症!!等0左半個鐘, 終於輪到我, 我將個情形話俾牙醫知, 牙醫同我檢查時發現上後排大牙有些少發炎, 佢幫我洗0左上後排果幾隻大牙, 由叫我刷牙時輕輕力, 牙刷用軟毛, 可能由於係急症0既關係, 成個過程同都幾快!!臨走前我問牙醫係咪牙周病, 佢話係, 不過唔太嚴重, 希望無乜事啦!!睇完牙後搭電車去北角拎枕頭, 個枕頭都唔係輕, 有0的重, 但我陣間仲會去埋太古到行街, 早知行完太古至0黎拎!!

返到屋企無幾耐,  媽咪打電話0黎話佢趺親, 而家0向威爾斯醫院睇急症, 要我即刻搭車0黎拎返張身分證俾佢(枕頭個物主係媽咪, 要佢張身分證至拎到)!!於是我喇喇聲搭巴士去沙田, 我未去過威爾斯, 唔知點樣去, 媽咪又講錯0左落車地方, 我行0左一輪至行到去威爾斯!!媽咪話由下午三點幾等到而家晚上七時幾都仲得, 只係打0左支破傷風針!!現場所見急症室都差唔多坐滿晒人, 詢問處個到都整0左個塊話輪候時間需要五小時以上!!我未食晚飯, 於是出0左去第一城間麥當勞食0野, 食完又返番去威爾斯, 無幾耐終於到媽咪!!後來我地"失散"0左, 搵0左一輪, 原來媽咪睇完拎埋藥品走0左去第一城間大家樂食0野, 佢話下午三點果陣幫公司拎0野去威爾斯醫院, 咁0岩0向到趺到, 成個人趴落地, 眼鏡框趺斷0左, 又擦損手背, 個失頭哥趺到連骨都突埋出0黎, 所以啦啦聲睇急症!!不過, 而家又無乜礙!!

返到屋企成十點幾, 估唔到今日係"醫院一日遊"!!