pikachu

約0左舊同事M到旺角新世紀帝京酒店花月庭食下午茶自助餐, 時間為下午三時半至五時!!花月庭而家搞緊以草莓為主題0既"草莓派對"下午茶自助餐, 每位148元, 兩位則有9折, 即係約133元!!

我地先拎0左草莓甜點來吃, 味道不錯!!之後再吃其他東西, 起初以為此處的下午茶自助餐會以甜點蛋糕為主, 原來尚有不少熱盤, 冷盤食物, 如意大利粉, 日式章魚丸, 薄餅, 壽司, 冷麵, 刺身, 三文治, 各款火腿等等, 還有朱古力只噴泉, 豆腐花, 牛奶公司雪杯.........食物如此豐富, 我覺得可當作一般中午自助餐來吃, 而且價格便宜!!不過唔好處就係得個半小時, 想坐耐些邊食邊談也不行!!0向幾個月前經過沙田時亦看見某酒店推出以草莓為主題0既下午茶自助餐, 每位98元!!當時仲諗住試果間, 但正所謂一分錢一分貨, 我相信食物種類唔會太多!!

我地食0左一個小時間就離開, 食到好飽肚, 晚上連晚餐都唔洗食!!之後去0左尖沙咀玩具反斗城開倉, 睇下有無比卡超搖頭公仔發售, 同埋其他又平又感興趣0既玩具, 結果空手而回!!行0左海港城一陣就各自回家了!!

聚會期間我同M講起升職問題, 有時我地都認為升0左都未必好, 可能工作壓力會大0左, 所以最好都係中六合彩頭獎三千幾萬, 到時唔洗咁煩咁多0野諗!!而M亦已申請調遷部門!!