已有一段日子沒有想起或夢見電車男，今早做夢他竟然在我的夢境中。起來後很清楚記得剛才的夢境內容，到了現在印象已模糊了很多，大概是關於日語方面.........真的記不起甚麼了。
目前分類：電車男 (62)
- Jul 13 Mon 2009 19:35
模糊的夢
- Sep 19 Fri 2008 22:43
- 回頭
與同事V到西九吃午飯時遇到電車男!!實情是這樣的, 是我自己一邊走一邊回頭看後方看看電車男會不會出現, 竟然"如我所願"出現了, 一段日子沒見(好像有兩星期)電車男仍然是穿著"見慣見熟"的灰色短袖T-shirt~後來同事V告訴我電車男走進麥當勞, 上一次遇見他, 他也是光顧麥當勞的, 我猜測他是因為有優惠卷才吃麥當勞!!
下班後刻意在樓下等待電車男, 這次只等了一個綠燈連馬路也沒有橫過便離開沒有再等待!!
- Aug 18 Mon 2008 22:08
- 久別重逢
朝早放0左半日假, 返回公司前先到麥記飲0野!!離開時剛好是吃飯時間, 未行到馬路已經正面遇見電車男!!唔知係咪"太耐"無見, 加上佢頭髮剪短0左, 我覺得佢靚仔0左0的, 不過服飾依舊是六件衫中的短袖白T-shirt.................
仲以為電車男已經離職, 以後都見唔到佢, 點知0向"'漫不經心"0既情形下又再與佢"久別重逢".........我也知道只得我一個人在期待"重逢", 電車男由始至終都無呢個念頭!!之後再諗, 會唔會佢係放0左個"悠長暑假", 所以我至遇唔到佢??!!
- Aug 08 Fri 2008 23:02
- 二十一天
已經連續三個星期五都無遇見電車男喇~
今日遲0左0的落去, 心想如果有緣0既話唔一定要0向"指定時間"亦會遇上, 但係最終都係無緣.............
已經整整二十天無見過電車男喇~
- Aug 03 Sun 2008 21:54
- 嫌疑
今日蘋果0既頭條係一則關於斬頸怪客0既新聞, 報導描述該名兇徒係一 名年約 27 、 28 歲, 約 5 呎 8 吋 高 、 戴黑色框眼鏡 、 身穿白色T恤 、 灰色長褲 ， 背著一個黑色背囊的男子, 我第一時間諗到乜同電車男咁相似, 唔通係佢0黎??!!!!電車男, 你做乜事要咁做呀????????
- Aug 01 Fri 2008 22:25
- 全面失蹤
放工後又好似上星期五咁扮等巴士等候同電車男"偶遇"喇...結果又係見唔到!!已經成兩個星期無見過佢, 連大快活都唔見佢蹤影, 唔通佢辭0左職無做??抑或調走0左, 定係放工時間唔同0左???????一大堆疑問, 希望電車男能盡快現身解開我0既心事啦~
- Jul 25 Fri 2008 21:16
- 痴痴的等
如果痴痴的等某日終可等到一生中最愛........................................
成個星期都無遇見電車男, 連最大機會0既星期五都見唔到, 我已經企0向巴士站扮等車"等"0左十分鐘, 唔通我"遲"得濟落0黎???????
老實說, 我的"一生中最愛"係隨著年齡同環境而轉變, 呢一樣0野連我自己都估唔到, 雖然我未拍過拖, 亦無人向我真心表白過, 但係我都無諗過自己咁"花心", 咁唔"專一", 點都好, 目前我只係想同電車男一起!!!!!!
成個星期都無遇見電車男, 連最大機會0既星期五都見唔到, 我已經企0向巴士站扮等車"等"0左十分鐘, 唔通我"遲"得濟落0黎???????
老實說, 我的"一生中最愛"係隨著年齡同環境而轉變, 呢一樣0野連我自己都估唔到, 雖然我未拍過拖, 亦無人向我真心表白過, 但係我都無諗過自己咁"花心", 咁唔"專一", 點都好, 目前我只係想同電車男一起!!!!!!
- Jul 20 Sun 2008 19:23
- 夢
今早發0左一個夢，夢到我中學時0既好朋友"那那蠢穎"!!我竟然問"那那蠢穎"電車男住邊?佢話住將軍澳，聽完後我仲奇怪電車男唔係住屯門??我只係記得咁多，其他情節就唔記得喇!!
現實中電車男同那那蠢穎應該無相遇過，而我亦有成十年時間無見過那那蠢穎!!至於點解我會問那那蠢穎關於電車男0既事情，我諗係潛意識黎，因為中學果陣我大部份0既事都會同佢講，例如鍾意邊個之類等等．．．．．
直到而家，我仍然希望將來有一天會再見返那那蠢穎，同佢暢談一番，好似中學時代那樣！！
- Jul 18 Fri 2008 22:09
- 短
放工落到下例牌地想著"一定"會見到電車男, 係就係見到, 估唔到"見"得果幾十秒, 無得慢慢"欣賞"~
過程 : 落到去時已經係綠燈可以過馬路, 過0左一半都無已經迎面撞見著住灰色短袖衫兼帶headphone 0既電車男"衝埋0黎".................
過程 : 落到去時已經係綠燈可以過馬路, 過0左一半都無已經迎面撞見著住灰色短袖衫兼帶headphone 0既電車男"衝埋0黎".................
- Jul 16 Wed 2008 20:23
- 六件短袖衫
食飯時間搭扶手電梯落到大堂即刻遇見著橙色短袖衫0既電車男, 我地都呆0左一呆!!電車男原本想搭扶手電梯上去, 但唔知係咪我"阻住"佢去路, 佢走0左去搭電梯........................
下午跟同事V講返呢段"偶遇", 至發現電車男只得六件短袖衫, 分別係黑白灰藍橙黃, 見親都係果六件!!電車男, 等我做你女朋友買衫俾你, 令你更加有型靚仔啦!!
下午跟同事V講返呢段"偶遇", 至發現電車男只得六件短袖衫, 分別係黑白灰藍橙黃, 見親都係果六件!!電車男, 等我做你女朋友買衫俾你, 令你更加有型靚仔啦!!
- Jul 15 Tue 2008 22:34
- 荷蘭豆
晚上同屋企人外出吃飯, 期間遇到弟弟0既中學同學, 佢都係同屋企人一齊食飯!!而佢地其中一位成員係BB0黎, 食飯時我耐唔耐都起身"裝"個BB, 食完飯後更走埋去摸個BB, 原來個BB何, 未改名, 爸爸暫時叫佢做荷蘭豆!!聽到姓何已經"精神一振", 仲有個咁可愛0既乳名, 令我諗到第時同電車男都要生返個荷蘭豆!!
- Jul 14 Mon 2008 20:31
- 仍然愛
昨日0既"忽然不愛", 今日已經漸漸消失0左, 我仍然係鍾意電車男, 仍然期望遇見佢, 同佢傾計...........
- Jul 13 Sun 2008 20:13
- 誰也不愛
考完試後果刻, 除0左輕鬆0的外, 忽然間對鍾意0既人無晒愛意!!電車男, 我唔"愛"你喇~
- Jul 13 Sun 2008 19:56
- 樣衰
下午去九龍灣考日文期末試, 由於未去過九龍灣分校, 所以就提早出門!!初頭都驚住果到難搵, 原來又唔係, 不過由地鐵站行去0既路程好似同灣仔分校差唔多!!因為時間尚早(二時半開考), 我先去德福麥當勞買0野食, 之後至去考試場地!!
去到無幾耐就迎面撞見著住白色短袖衫0既電車男, 呢次睇電車男係睇得好清楚(我有帶眼鏡), 第一個感覺係覺得電車男有0的樣衰, 其實平時遇到佢, 我間唔中都覺得佢有0的樣衰, 唔靚仔!!估唔到電車男都咁早0黎到, 等我之前仲"擔心"遇唔到佢!!之後我搵個地方坐低, 無耐電車男就行0黎坐去我另一邊梳化(雖然都隔0左"一段距離"), 好難得見到我都唔走0左去!!我一路溫習一路"不經意地偷望"佢, 佢竟然拎部黑色PSP出0黎打, 仲帶埋headphone, 我都係第一次見到有人考試前仲打機, 真係服0左佢!!
到咁上下時間就上返去考試層樓, 期間遇見上個學期0既同班同學W, 同佢傾0左一陣, 當時電車男應該我地, 但係佢又無走過0黎, 原來佢走去佢果班女同學果到, 電車男真係鍾意群埋女生堆當中喇~
而考試中場同完結就無再見到電車男了!!
去到無幾耐就迎面撞見著住白色短袖衫0既電車男, 呢次睇電車男係睇得好清楚(我有帶眼鏡), 第一個感覺係覺得電車男有0的樣衰, 其實平時遇到佢, 我間唔中都覺得佢有0的樣衰, 唔靚仔!!估唔到電車男都咁早0黎到, 等我之前仲"擔心"遇唔到佢!!之後我搵個地方坐低, 無耐電車男就行0黎坐去我另一邊梳化(雖然都隔0左"一段距離"), 好難得見到我都唔走0左去!!我一路溫習一路"不經意地偷望"佢, 佢竟然拎部黑色PSP出0黎打, 仲帶埋headphone, 我都係第一次見到有人考試前仲打機, 真係服0左佢!!
到咁上下時間就上返去考試層樓, 期間遇見上個學期0既同班同學W, 同佢傾0左一陣, 當時電車男應該我地, 但係佢又無走過0黎, 原來佢走去佢果班女同學果到, 電車男真係鍾意群埋女生堆當中喇~
而考試中場同完結就無再見到電車男了!!
- Jul 08 Tue 2008 20:01
- 外賣
食飯時間去完銀行拎錢後返番去西九食飯, 上到去離遠見到一個"很熟悉"0既背影, 就係著住橙衫(已出場過很多次)0既電車男!!我半跑半行咁跟住佢, 務求可以"貼近"佢(但又唔敢行咁埋)些少!!佢手上拎住一袋外賣(第一次見), 睇0黎好似係大快活, 唔知佢係遲0左落去食飯定太多人無位至買上去食!!我"目送"電車男直到佢入電梯至離開去返食0野, 唔少食店都排晒長龍好難搵位, 一到暑假就係咁, 唉!!於是我都買返上去公司食, 同電車男一樣, 哈哈!!而家一路打一路諗, 果0的外賣會唔會係電車男買俾"美少女"食呢??如果係就...........................................
- Jul 04 Fri 2008 20:31
- 沒有心機
受到工作上0既"誇大流言"影響, 就算特登落去已經見到著住灰色衫0既電車男企0向前面等過馬路, 我都只係企0向原地望佢, 無跟埋過馬路繼續追蹤佢!!呢件事已經搞到我無晒心機~
- Jun 27 Fri 2008 22:40
- 偷看
放工後又特登"行0黎行去"偷睇"電車男", 佢著住件藍色短袖T-shirt, 帶住白色headphone, 淨係睇到"橫切面"1!之後我返番去地下大堂等同事V, 期間我又時不時透過玻璃望向馬路方向"等候"電車男"回來", 無耐我勉強咁裝到件藍色物體, 應該係佢0黎!!
- Jun 25 Wed 2008 22:58
- 電話描述
尾更同事V放工走人, 我仍然未離開公司, 後來佢打電話俾我, 佢叫我估下邊個企0向佢隔離, 我心諗"電車男", 果然係佢, 所以同事V打0黎話俾我知!!佢話電車男著住黑衫黑褲, 連背囊都係黑色, 耳仔仲聽住音樂, 邊有人cool成咁!!我話佢係咁, 仲問同事V電車男有無同班"美少女"一齊??佢話無!!我話咁樣講電車男, 會唔會聽到0架??同事V話應該唔會, 因為電車男都無望過0黎!!仲話佢行去地鐵站方向, 吓??!!咁電車男即係唔係搭西鐵啦!!同埋電車男過0左45分至落0黎, 會唔會轉0左放工時間呢??
雖然我無親眼見到電車男, 但係有人描述電車男0既"行蹤"俾我知, 我都好開心, 希望7月13號可以同佢傾到計喇!!
雖然我無親眼見到電車男, 但係有人描述電車男0既"行蹤"俾我知, 我都好開心, 希望7月13號可以同佢傾到計喇!!
- Jun 19 Thu 2008 22:37
- 破壞
本來明天放工後諗住搭西鐵"跟蹤"電車男, 但係呢個"行動"已經被"天蠍"破壞0左喇~雖然我都"樹堅天蠍", 不過......................唉, 有點唔開心!!我都知好無謂!!
- Jun 16 Mon 2008 21:47
- 感覺
中午外出過馬路時"感覺"到電車男打斜"從後趕上", 望過去果然係佢!!電車男著住件白色"裙"黑邊短袖T-shirt, 過0左馬路仍然係半行半跑!!為0左電車男, 日文考試要頑張呢!!!!!!!!
