幾天前已開始練習(太遲了),主要練習excel。雖然平日在工作上也有使用,但只是很皮毛已矣,那些較為複雜的公式函數以及圖表製作完全沒有接觸過。練習前先看「虛幻」買給我的excel 2007應用書本,從而知道excel有很多還沒有給我發掘的功能。
晚上再作「實戰」時,弟弟從旁教導我,看他的應用示範,比看書本更能容易明白及上手。有些經常使用的功能,原來有更方便快捷的途徑去使用。學習過這些「速成班」,使我的信心也增強了少許。至於word方面則不大理會,我想不怎樣練習也行吧!
幾天前已開始練習(太遲了),主要練習excel。雖然平日在工作上也有使用,但只是很皮毛已矣,那些較為複雜的公式函數以及圖表製作完全沒有接觸過。練習前先看「虛幻」買給我的excel 2007應用書本,從而知道excel有很多還沒有給我發掘的功能。
晚上再作「實戰」時,弟弟從旁教導我,看他的應用示範,比看書本更能容易明白及上手。有些經常使用的功能,原來有更方便快捷的途徑去使用。學習過這些「速成班」,使我的信心也增強了少許。至於word方面則不大理會,我想不怎樣練習也行吧!
數天前在雜誌上看到OK便利店的特濃朱古力軟雪糕廣告, 使我躍躍欲試, 奈可天氣持續寒冷, 實在不太適宜品嚐雪糕!!但不知何解, 今天真的很想吃, 放工回家前便到長發商場的OK便利店打算買來吃!!也有一段日子沒來OK, 連它裝修變身也不知呢!!不過, 軟雪糕機卻沒有了, 只好走到超級市場買甜筒雪糕作罷!!由於牛奶公司特價十元兩個, 於是買了朱古力及芒果味的甜筒, 回家後已一次過吃掉它們!!
說回長發商場, 由領匯接管後已裝修了一段日子, 大部份街坊式的店舖也走得七七八八, 餘下的好像只有OK便利店對面的文具店, 在一列新潮粉飾的連鎖商店中, 此文具店顯得頗為格格不入!!而商場內部的格局換上時尚的佈置, 我相信整個商場完全裝修妥當後, 它會是一個充斥著連鎖店, 猶如外間流行模式的商場而已!!
2008年的第一天, 整天待在家中那兒也沒去!!碰考天氣頗為寒冷, 晚上一家人於家中打邊爐!!
很豐富的食物~
至於新一年的期望-----------------首選當然是有男朋友, 仲要係電車男做我男朋友!!!!!!!接著是很例牌的世界和平, 身體健康, 每天快樂
今日係我人生中第一個鍾意0既男仔0既生日, 不過好耐都無見過佢, 唔知佢而家點?!今朝發夢竟然夢見佢同電車男一齊0向課室, 好似上日文堂!!
今早與兩位同事約出0黎食飯, 從其中一位同事得知, 那位多事同事已經將我尋日發生單0野”宣揚開去”, 仲要0向大庭廣眾話俾0的我唔識0既人知, 又話關心人, 講真你真係關心0既話, 係咪會考慮我0既感受先, 我當街俾個警察咁話, 已經夠尷尬, 難睇, 多事同事仲要將呢件事當花邊新聞四周同人講, 可想而知多事同事八掛至係事實!!我自己都八掛, 都會講人是非, 但唔會好似佢咁, 係人都講一餐, 慌死人唔知!!
頂, 阿多事同事, 你收下把口喇, 假到死~妖!!!!!!!!!
越來越唔喜歡同公司0的人打交道, 我知自己本身都有問題, 我0既容忍度降0左, 好多0野我都睇唔順眼, 我唔鍾意入佢地0既圈子, 一來話題唔0岩, 二來亦無興趣同佢地深交, 加上又有多事同事呢種人, 更加唔想同佢地講0野~
經常同自己講, 唔好理人地點講, 但實行起0黎真係好難, 一日仲見到呢類人, 無咁易唔諗人地點講自己, 好煩………….
唉, 今日出0左去食午飯及去銀行交卡數(平時無乜事都唔會行出街食飯), 0向樓下過馬路時已經見到有交通警企晒0向各方馬路口, 我見到兩條馬路都係綠燈, 就好似平時打斜行過去, 以為無問題喇, 點知行到一半, 就聽兩邊馬路口有人大鬧, 初時懵下懵以為唔知發生乜0野事, 跟住諗下係咪喝梗我, 原本真係, 我只有行埋去交通警到自首, 然後個警察係咁話我, 話我聽唔到佢地嗌梗我, 我答聽唔到, 都唔知係嗌梗我 , 話我咁樣過馬路好危險, 黃線區內係俾車行, 會俾車撞到, 我又唔係車, 又話我識唔識過馬路(我心諗我一向都係咁過), 要上法庭等法官教, 又問我係咪唔舒服, 我話唔係, 只係好倦, 期間我都無求情, 因為知無用, 同埋心諗告就告, 上庭就上庭, 罰錢就罰錢, 加上真係我違例在先, 個警察一路話, 途人經過見到都眼望望, 搞到我都幾尷介, 因為果到係我返工地方左右, 會有同事見到, 而偏偏有0的”同事”我係唔想俾佢地見到, 不過越係唔想就係要俾佢地見到, 其實我最擔心係俾電車男見到, 始終當街俾警察咁樣”盤問”都唔係件係好事, 雖然我無乜形象可言, 但都唔想俾佢見到我咁樣, 但係我估佢十成都見到!!後來警察抄低我身份証資料, 問我做邊行, 我答公務員, 個警察跟住笑笑口, 又問我咩部門, 我答0左之後, 個警察話今次俾個機會我, 又話睇我果樣都係倦, 我話唔好意思, 咁就放人!!去完銀行交卡數, 本來一早諗住去大家樂食0野, 不過俾呢件事搞到無心情無胃口, 只係去東海堂買兩個麵包食拎返公司食就算!!過0左食飯時間無耐, 有電話打0黎搵我, 唉, 原來另一個多事的同事見到我俾警察”盤問”, 不過當時我見唔到佢, 佢問我有無事, 我擔心0既事真係發生, 因為我唔想俾佢知, 不過我都有大大方方講俾佢知, 因為接電話果位同事頭先都目擊呢件事, 而我同呢位同事已經反面, 我唔想表現得閃縮, 費時俾佢背後拎0黎做笑話(可能佢根本無興趣知同埋唔會講我, 係我自己諗到人地咁衰, 都唔知果多事同事係咪專登打去果到), 雖然佢話關心我點, 不過我覺得佢係八掛居多, 話我以小人之心度君子之腹都係咁話!!如果呢件事係發生0向第二到都無咁擔心, 咁瘀!!後來諗諗下又後悔講0左 出0黎, 因為果位多事同事多數會四圍同人講(又諗到人地咁衰喇)!!放工後本來打算去太子旺角行下, 不過又係俾呢件事影響晒心情, 講真, 我唔擔心收到告票要罰錢, 而係擔心果0的”同事”點講我!!我諗如果我離開0左呢到, 我唔會再同呢到0的同事見面聯絡, 因為無邊一個係我真正知心朋友!!